Sumaq ədviyyatının bilmədiyimiz faydaları
Qoxunu azaldan və sağlamlıq üçün müxtəlif faydaları olan sumaq, turşluğu ilə qidaların daha uzun müddət saxlanmasına kömək edir. Bəs, onun faydaları nədir?
Axar.az sumağın bilmədiyimiz faydalarını təqdim edir:
– Qanda insulinin miqdarını tarazlaşdırır;
– Antioksidant təsiri sayəsində yuxarı tənəffüs yolları xəstəliklərində anidən yaranan yüksək hərarəti salaraq beyin sağlamlığını qoruyur;
– Həftədə bir stəkan sumaq şirəsi sinir sistemində deformasiyaya uğramış hüceyrələrin sayını azaltmaqla sağlam hüceyrələrin artmasına kömək edir. Həmçinin yorğunluq, stress və depressiya kimi xəstəliklərin yaşanma riskini azaldır;
– Qida zəhərlənməsi zamanı sumaq ədviyyatını qaynadıb bir stəkan içmək faydalı olacaq. Həm mədənizi, həm də bağırsaqlarınızı təmizləyir, sidik və defekasiya ilə zəhərlənməyə səbəb olan zərərli bakteriyaları təmizləyir;
– Həzmi tənzimlədiyi üçün arıqlamaq istəyənlər sumaq şirəsindən istifadə edə bilər;
– İştahsızlıq problemi olan uşağınızın ayda bir dəfə sumaq şirəsi içməsi də faydalıdır. Həm uşağınızın bədən müqavimətini artırır, həm də iştahını açaraq daha sağlam yeməsinə kömək edir.
