Cənubi Koreyada son üç ildə 40 min insan intihar edib. Eyni zamanda, gənclər arasında intiharların sayı artıb.
AZƏRTAC “The Korea Herald” qəzetinə istinadla xəbər verir ki, Koreya Səhiyyə Nazirliyinin məlumatına görə, 2020-2022-ci illər ərzində ölkədə 40 min nəfər intihar edib. Bu göstərici eyni dövr ərzində koronavirus infeksiyası nəticəsində ölənlərin sayından (32 min 156 nəfər) çoxdur.
Bununla belə, Koreya Respublikasında son beş ildə intihar hallarının ümumi sayı azalıb, lakin gənclər arasında özünə qəsd edənlərin sayında artım qeydə alınıb.