Bu gün Avropanın yaşıl meydanlarında bir sıra maraqlı futbol matçları keçiriləcək.
Oxu.Az xəbər verir ki, İngiltərə Premyer Liqasında mövsümə uğurlu başlayan və hazırda ikinci pillədə qərarlaşmış “Tottenhem” “Luton” səfərinə yollanacaq. Londonun digər təmsilçisi, uğursuz start verən və hazırda 11-ci olan “Çelsi”ni də nisbətən rahat səfər oyunu gözləyir. Komanda autsayderlər sırasında qərarlaşan “Bernli”nin qonağı olacaq. 10-cu pillənin sahibi “Mançester Yunayted” isə ev oyununa çıxacaq. “Qırmızı şeytanlar” “Brentford”un müqavimətini qırmağa çalışacaqlar.
Fransa Liqa 1-də lider “Monako” çətin “Reyms” səfərinə yollanacaq. Hazırda komandaları cəmi bir xal ayırır.
Almaniya Bundesliqasında Dortmund “Borussiya”sı mövsümə yaxşı başlamayan “Union”u sınağa çəkəcək.
İtaliya A Seriyasında lider “İnter” “Bolonya”nı qəbul edəcək. “Nerazzuri”dən yalnız əlavə göstəricilərdə geri qalan Milanın eyniadlı komandası isə səfər oyununa çıxacaq. “Rossoneri” “Cenoa” ilə qarşılaşacaq. Turində isə derbi baş tutacaq. “Yuventus” öz meydanında “Torino”nun müqavimətini qırmağa çalışacaq.
İspaniya La Liqasında lider “Real Madrid” doğma meydanda “Osasuna”nı sınağa çəkəcək.
Türkiyə Super Liqasında hazırda ikinci pillədə qərarlaşan “Qalatasaray” 11-ci yerdəki “Antalyaspor”un qonağı olacaq.
İngiltərə Premyer Liqası
15:30. “Luton” – “Tottenhem”
18:00. “Bernli” – “Çelsi”
18:00. “Mançester Yunayted” – “Brentford”
Fransa Liqa 1
23:00. “Reyms” – “Monako”
Almaniya Bundesliqası
17:30. “Borussiya” (Dortmund) – “Union” (Berlin)
İtaliya A Seriyası
17:00. “İnter” – “Bolonya”
20:00. “Yuventus” – “Torino”
22:45. “Cenoa” – “Milan”
İspaniya La Liqası
18:15. “Real Madrid” – “Osasuna”
Türkiyə Super Liqası
20:00. “Antalyaspor” – “Qalatasaray”