Əsas Xəbərlər
13 Temmuz 2024

Rəşad Məhəmmədoğlu – Həyatdı

By Admin Şub1,2024

Rəşad Məhəmmədoğlu

Həyatdı

Sevən canım, bu həyata üzülmə,
Taleyindən şərab içən həyatdı,
Ayaqda qal, pəncəsində əzilmə,
Yolun üstə gəlib keçən həyatdı.

Ömür yolun yol yoldaşı, danışar,
Dalda qalar, öndə gedər, yarışar,
Qədəmlərin döngələrdə qarışar,
Enişi dar, əyri küçən həyatdı

Əbədiyyət bitirib söz təbində,
Acısı var, şəkəri var həbində,
Dərs dediyi zamanın məktəbində,
İmtahana səni seçən həyatdı.

O dənizdi, suyu dərya, çəkilməz,
Üzən üzər, biri batar, bilinməz,
Bu sahildən o sahili görünməz,
Üfüqləri uzaqda, çən həyatdı.

Cüt zərini bəxtinə at qoşa sən,
Onu güldür, gülüşüylə yaşa sən,
Adını yaz xatirənə, daşa sən,
O dünyaya kəfən biçən həyatdı.
*

By Admin

Related Post

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir

whatsappı aç
Scan the code
Salam biz sizə necə komək edə bilərik?