Polşanın şərqində Rusiya və Belarusun yaratdığı təhlükələrə qarşı yeni tank taboru formalaşdırılır.
AZƏRTAC xəbər verir ki, bu barədə Polşanın milli müdafiə naziri Mariuş Blaşçak bildirib.
Blaşçak vurğulayıb ki, Polşa ordusu 2015-ci ildən öz potensialını artırır. “Çartayevdə (Brest yaxınlığında sərhəddən uzaqda yerləşən qəsəbə – red.) 1-ci Piyada Diviziyasının bir hissəsi olacaq yeni tank taboru formalaşdırılacaq”, – o deyib.
Nazir bildirib ki, əvvəllər şərq rayonlarında hərbi hissələr ləğv edilirdisə, indi Varşava öz hərbi potensialını artırır.
Sentyabrda Polşa Müdafiə Nazirliyi Belarusu Polşa sərhədinə hücumda ittiham edib. Belarusun Dövlət Sərhəd Komitəsi isə Polşaya məxsus Mi-24 helikopterinin ölkənin hava ərazisini pozmasının videosunu dərc etmişdi