Mer: “Liviyadakı daşqınlar nəticəsində ölənlərin sayı 20 minə çata bilər”
“Liviyanın Derna şəhərindəki güclü daşqınlar nəticəsində ölənlərin sayı 20 minə qədər çata bilər”.
“Report” xəbər verir ki, bunu şəhər meri Abdulmenam Al-Ghaithi bu gün yerli “Əl-Ərəbiyyə TV”-yə açıqlamasında deyib.
Onun sözlərinə görə, dağıntılar belə qənaətə gəlməyə əsas verir.
Qeyd edək ki, Yunanıstan və Bolqarıstanda daşqınlara səbəb olan “Daniel” qasırğası sentyabrın 11-də Liviyaya çatıb. Təbii fəlakət nəticəsində 8 min nəfər ölüb. Həlak olanların sayının artacağı istisna edilmir.
