Kənd təsərrüfatı sahəsində aktual məsələlər müzakirə edilib

By Admin Eyl12,2023

Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının (ASK) prezidenti Məmməd Musayev və konfederasiyanın Baş katibi Natəvan Məmmədova Azərbaycan kənd təsərrüfatı naziri Məcnun Məmmədov ilə görüşüblər.

ASK-dan AZƏRTAC-a bildirilib ki, görüşdə əməkdaşlıq imkanları müzakirə edilib, konfederasiyanın tərkibində fəaliyyət göstərən Aqrar İnkişaf Komissiyasının fəaliyyəti, onun tərkibinin daha da gücləndirilməsi ilə bağlı fikir mübadiləsi aparılıb.

Eyni zamanda, bu il sentyabrın 26-da Bakıda keçiriləcək Türkdilli dövlətlərin kənd təsərrüfatı nazirlərinin görüşü, gələn il ölkəmizin ev sahibliyi edəcəyi İslam Ticarət, Sənaye və Kənd Təsərrüfatı Təşkilatının “Dayanıqlı Kənd Təsərrüfatı” konfransı, halal qida standartları ilə bağlı məsələlər müzakirə edilib.

Həmçinin, nazirin konfederasiyanın üzvü olan kənd təsərrüfatı şirkətləri ilə görüşü barədə razılıq əldə edilib və dövlət-özəl dialoqunun ölkə iqtisadiyyatının inkişafındakı müsbət rolu vurğulanıb.

By Admin

Related Post

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir

whatsappı aç
Scan the code
Salam biz sizə necə komək edə bilərik?