Jasmin İmamoviç: “Azərbaycanın ədalət və suverenlik naminə mübarizəsini tam dəstəkləyirəm”

By Admin Ağu 6, 2023

“Azərbaycanın ədalət və suverenlik naminə mübarizəsini tam dəstəkləyirəm”.

“Report” xəbər verir ki, bunu Bosniya və Herseqovina Dostluq Körpüləri Assosiasiyasının prezidenti Jasmin İmamoviç deyib.

Onun sözlərinə görə, beynəlxalq ictimaiyyət müharibə cinayətkarlarının qanun qarşısında cavab verməsi üçün heç nə etməyib: “Əziz dostlar, qardaşlar, Bosniya soyqırımını yaşamış Bosniya xalqının nümayəndəsi kimi, mən erməni cinayətkarlar tərəfindən öldürülən azərbaycanlı qurbanların ağrısını hiss edirəm. Beynəlxalq ictimaiyyət, təəssüf ki, müharibə cinayətlərinin qarşısını almayıb. Ümumiyyətlə, beynəlxalq ictimaiyyət müharibə cinayətkarlarının qanun qarşısında cavab verməsi üçün heç nə etməyib. İnsan hüquqları müdafiəçiləri müharibə cinayətkarı Vaqif Xaçaturyanın ifşasını tələb etmir. Mən Azərbaycan Respublikasının və xalqının ədalət və suverenlik naminə mübarizəsini tam dəstəklədiyimi bildirmək istəyirəm”.

Qeyd edək ki, Vaqif Xaçaturyan erməni hərbi birləşmələrinin tərkibində 1991-ci ilin 22 dekabr tarixində Xocalı rayonunun Meşəli kəndində azərbaycanlılara qarşı kütləvi qırğın törədib.

Qırğın zamanı 25 azərbaycanlı öldürülüb, 14 nəfər yaralanıb, 358 nəfər azərbaycanlı isə didərgin salınıb. Qeyd edilən kütləvi qırğın ilə əlaqədar aparılan cinayət işi üzrə Xaçaturyan Vaqif Çerkezoviçin Azərbaycan Respublikası Cinayət Məcəlləsinin 103 (soyqırımı) və 107-ci (əhalini deportasiya etmə və ya məcburi köçürmə) maddələrilə təqsirləndirilən şəxs qismində məsuliyyətə cəlb olunması barədə qərar qəbul edilib.

Ona məhkəmənin qərarı ilə həbs qətimkan tədbiri seçilib və o, məhz bu cinayət işi çərçivəsində iyulun 29-da Beynəlxalq Qırmızı Xaç Komitəsinin vasitəçiliyi ilə müalicə almaq adı altında Ermənistana getmək istəyərkən Dövlət Sərhəd Xidmətinin hərbi qulluqçuları tərəfindən Azərbaycan-Ermənistan dövlət sərhədinin Laçın sərhəd-keçid məntəqəsində saxlanılıb.

By Admin

Related Post

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir

whatsappı aç
Scan the code
Salam biz sizə necə komək edə bilərik?